السلام عليكم ورحمة الله وبركاته
اليوم جايتكم بموضوع مختلف عن أغلب المواضيع اللي موجودة في مدونتي، وهو مثل ماحبيت أوصفه: دليل سياحي بسيط عن الأماكن الموجودة في لندن. هنا ماراح أذكر كل الأماكن، لأن لندن مدينة كبيرة وتختلف الأذواق لكن راح أذكر أشهر المناطق فيها اللي عجبتني مع بعض الصور من تصويري. ☃
هذا الموضوع بيتقسم لـ: بحطلكم بعض من أجمل مناطق لندن مع صور التقطتها على فترات مختلفة... وإن شاءلله لي بوست ثاني لكافيهات ومطاعم لندن الشهيرة (وإذا حابين ممكن اتكلم عن الفنادق).
*كل الصور من تصويري، ماعدا اللي كاتبة عندهم إنهم مب من تصويري .. وهذا بسبب إني اتعيجز آخذ الكيمرا الثقيلة معاي في كل مكان! :(
*كل الصور من تصويري، ماعدا اللي كاتبة عندهم إنهم مب من تصويري .. وهذا بسبب إني اتعيجز آخذ الكيمرا الثقيلة معاي في كل مكان! :(
احنا بشكل عام، مانطلع خارج لندن والفترات اللي نروحها تكون في الشتا أو شهر 10، مرة بس في شهر 4 و مرة في الصيف (وللأسف مانلحق على الـThorpe Park) .. والصراحة لندن في الشتا تجنن! :( لكن العتب على الجو المتغير اللي يقلب واحنا لابسين كل الكبت من البرد :p.
لندن بالنسبة لي من أجمل المدن اللي زرتها، ولو رحتها 50 مرة بعد ماراح أشبع منها .. أصنفها من التوب عندي مع باريس وسويسرا ودبي! فيها كل شي: كافيهات، مطاعم، شوبنق، مشي، قصور .. وفوق هذا أغلب الوقت جوها حلو والناس يفتحون النفس.
.
