London: أجمل المناطق اللي زرتها في لندن

السلام عليكم ورحمة الله وبركاته

اليوم جايتكم بموضوع مختلف عن أغلب المواضيع اللي موجودة في مدونتي، وهو مثل ماحبيت أوصفه: دليل سياحي بسيط عن الأماكن الموجودة في لندن. هنا ماراح أذكر كل الأماكن، لأن لندن مدينة كبيرة وتختلف الأذواق لكن راح أذكر أشهر المناطق فيها اللي عجبتني مع بعض الصور من تصويري. ☃

هذا الموضوع بيتقسم لـ: بحطلكم بعض من أجمل مناطق لندن مع صور التقطتها على فترات مختلفة... وإن شاءلله لي بوست ثاني لكافيهات ومطاعم لندن الشهيرة (وإذا حابين ممكن اتكلم عن الفنادق).
*كل الصور من تصويري، ماعدا اللي كاتبة عندهم إنهم مب من تصويري .. وهذا بسبب إني اتعيجز آخذ الكيمرا الثقيلة معاي في كل مكان! :(

احنا بشكل عام، مانطلع خارج لندن والفترات اللي نروحها تكون في الشتا أو شهر 10، مرة بس في شهر 4 و مرة في الصيف (وللأسف مانلحق على الـThorpe Park) .. والصراحة لندن في الشتا تجنن! :( لكن العتب على الجو المتغير اللي يقلب واحنا لابسين كل الكبت من البرد :p.

لندن بالنسبة لي من أجمل المدن اللي زرتها، ولو رحتها 50 مرة بعد ماراح أشبع منها .. أصنفها من التوب عندي مع باريس وسويسرا ودبي! فيها كل شي: كافيهات، مطاعم، شوبنق، مشي، قصور .. وفوق هذا أغلب الوقت جوها حلو والناس يفتحون النفس. 

Dubai Haul: مشترياتي من دبي

السلام عليكم ورحمة الله وبركاته

قبل شهر أبوي الله يحفظه قرر فجأة نسافر معاه دبي، هو كان رايح شغل وقال لنا: تجون؟ طبعا ماكان فيه مجال للنقاش، أختكم الكريمة جهزت شنطتها وسحبت على الجامعة كم يوم، وفي أول ثلاثا في الشهر طارت طيارتنا ووصلنا لدبي بالسلامة.

قبل مانسافر بأسبوع كنت أقول لأمي: ماما هالمرة أنا مب ناقصني ولاشي، خلاص مب مسوية شوبنق

لكن على مين؟ في حد ممكن يشوف دبي مول وماتحكه يده يفرفر فيه ويشتري كل شي؟ :p

في هالأسبوع، فضيت بيوم وقررت أدور في البلوقات وجاتني فكرة إن كل ما يعجبني شي أحطه في "To-buy list"، عشان إذا شفته في مكان آخذه على طول، وتميت قريب الـ ٦ ساعات أزيد في اللستة لين وصلت فوق الـ  ٣٠ شي، قلت خلاص عاد بوقف .. ووقت الشوبنق حصلت بعض الأشيا وبعضها قالولي بحصلهم في كارفور وغيرها لكن تعيجزت فبطلبهم من أمزون!

يوم السبت رجعنا فليل، وقلت دام إني برتب أغراضي خلني أصور مرة وحدة للبلوق.. وكنت جد تعبانة فـ ماعليكم من الصور اللي طرف السرير يبين منها وغيره لأنه ماكان لي خلق :( وبعض الأشيا ماصورتها مثل الملابس وغيرها لأن حبيباتي ربعي يعرفون بلوقي فمابيهم يشوفونه عقب ماقدر ألبسه عندهم :p



ماشاءلله، تبارك الله، لاقوة إلا بالله.

Zuhair Murad Spring 2014 Couture Collection | زهير مراد

السلام عليكم ورحمة الله وبركاته

جايتلكم اليوم بشي خذا عقلي من أول نظرة، كنت انتظر كولكشن زهير مراد وإيلي صعب ينزل ومحتارة هالمرة من بيتفوق على الثاني وبيكون أحلى، والمعروف إنه موديلاتهم تتشابه لكن هذي المرة، أحيي زهير مراد على الكولكشن اللي حطم كل الفساتين ، ومن زود مافيه أشيا تاخذ العقل ماعرفت شقول وشخلي! 

Zuhair Murad

هو مصمم لبناني من مواليد 1971

كان أول ظهور له في 1999 في روما بكولكشن أدى إلى مشاركته في التقويم الإيطالي للفاشن شو

His extensive lines encompass/ البرودكت لاين لكل كولكشن: 

Haute couture, ready-to-wear, accessories and eyewear 

وفي مخططات لتوسيع البرودكت لاين للـ:

Beauty products, perfumes, swimwear, lingeries and furnishings

عنده بوتيكين (مع صالة عرض): في بيروت وباريس

من المشاهير اللي لبسو من كولكشناته (وفي غيرهم كثير): 

Taylor Swift, Carrie Underwood, Ivana Trump, Beyoncé Knowles, Jennifer Lopez, Kellie Pickler, Shakira, Katy Perry, Christina Applegate, Miley Cyrus, Vanessa Williams, Ana Ortiz, Najwa Karam.

Spring 2014 Collection

اعتمد زهير مراد في هذا الكولكشن على ألوان الباستيل واستخدم أنواع من الزهور بالإضافة إلى الريش واللمعة وغيرها من الإضافات، والكولكشن كان متميز عن غيره في هذا الموسم مما جعل تسليط الأضواء عليه لهذا السيزن.

واللي كان يميز هذا الكولكشن هو الحزام الذهبي الجميل اللي تواجده كان رمز للكولكشن على كل القطع.

هنا بعرض لكم أكثر القطع اللي عجبتني من ذوقي الشخصي

واللي حاب يشوف الكولكشن كامل: هنا

وممكن زيارة الموقع: زهير مراد

Review: L’Oreal Total Repair 5 Hair Mask | ريفيو: ماسك للشعر من لوريال

السلام عليكم ورحمة الله وبركاته

اليوم جايتلكم بريفيو كنت راح اتكلم عنه من زمان لكن سافرت وماحصل وقت أكتب فيه. 

أول شي بقولكم كيف تعرفت على البرودكت اللي بالصدفة جربته، قبل أسبوعين كنت حاجزة في الصالون تريتمنت لشعري، وأنا طبعي ماسوي تريتمنت إلا فالصالون ومتعودة على شغل صالون معين ماروح لغيره، والصراحة جدا فادني التريمنت عندهم! 

قبل الموعد بساعة حسيت إني متكيسلة ومالي خلق أروح الصالون، وبما إن هذا اليوم من الأسبوع مقرر لتريمنت الشعر. فبعد ماكنسلت الموعد رحت لصوب كريمات الشعر وخذت أول كريم شفته مع إني ماقد شفت عنه أي ريفيو قبل ومادري ليش كان عندي بس بعد ماستعملته حمدت ربي إني خذته، ودورت فالنت وشفت الريفوات عنه وكلهم متفقين معاي ويمدحونه. 

“بنصحكم بشي بعيد عن هالكريم، وهو إنكم تسون حمام زيت كل أسبوعين مرة لأنه صج يطول الشعر ومايخليه يتقصف ويكثفه.”

وهذا هو الجميل

L’Oreal Total Repair 5 Hair Mask 

من اسمه 5 repairs، يعني يعالج ٥ أشيا: 

1- Hair Fall، تساقط الشعر

2- Dryness، الجفاف

3- Roughness، الخشونة

4- Dullness، الشعر الباهت

5- Split Ends، نهاية الشعر المتفرقة