تكملة: سلسلة مفضلات سنة ٢٠١٣ | Cont: My Favorite Beauty Products of 2013

السلام عليكم ورحمة الله، رجعت لكم مع تكملة لسلسلة مفضلة منتجاتي لسنة ٢٠١٣بعد ماتكلمنا عن الميك اب، في هذا القسم راح اتكلم عن المجموعة الثانية اللي هي:عطور ومناكير وكريمات ومنتجات متنوعة.

وراح اقسم هذي المجموعة لـ:
١- عطور وشموع
٢- كريمات والبودرة
٣- منتجات متنوعة
٤- مناكير ومشتقاته

راح تستغربون كيف إنه عندي من كل قسم أكثر من شي احبهوهذا لاني ماثبت على شي كلش، يمكن كل شهر اغير المنتجات اللي عندي!وأكره هالطبع فيني، لأن أحياناً البرودكت يناسبني لكن بسبب إني تمللت من ريحته أغيره.فهذي المنتجات هي المنتجات اللي صج علقت عليها واستخدمتها لفترة طويلة وعجبتني!*يوم اكتب (سعره من النت) معناته إني خذته لكن ماعرف كم سعره فطلعت السعر من النت (اغلب الوقت من امازون)

♦︎

العطور والشموع

في هذا القسم راح أضيف تعليق بعض الناس عليه من موقع: http://www.fragrantica.comولاحظت إن أغلب عطوري المفضلة فيها ريحة عود وريحتها عربية، والعطور الفرنسية محطوطة زينة على التسريحة

١- عطر Oud Ispahan - Christian Dior

في عطور من كثر ماهي مشتهرة وريحتها تجذب كل الناس مايحتاج أكتب عنها ريفيو!أحب هذا العطر وأحب العلبة الاسطوانية اللي يجي فيها، لدرجة إني بعد كل استخدام أرجعه في علبتهريحته جميلة جداً وفيها شوي عود مع ريحة خفيفة من الورد، تثبت فالملابس لأيام.سعره: 950 ريال قطري.

ريفيو من الموقع: أغلب الناس يحبونه، ويشوفون إنه يناسب للشتا والليل أكثر.ويتفقون أغلبهم إنه يتم لفترة جداً جدأ طويلة، وإن ريحته قوية جداً.

٢- عطر Nur SoOud perfume

في حد يعرفني شخصيا وماسمعني أقول شقد أعشق هذا العطر؟ريحته تقتلني.. أول مرة شميته عند أختي ووحدة من ربعي! وطبعاً أنا أهم شي عندي هو العطر :(فبعدها مت عليه وقلت إلا آخذه وحصلته في سلفرجدز - لندن، وخذته لكل البيت عشان إذا خلص أبوقه من عندهمريحته تثبت فالملابس، وحلوة جداً للمناسبات والأيام العادية حتى.سعره: قريب الـ 700 ريال *ماتذكر عدل والله*

ريفيو من الموقع: أغلب الناس يحبونه وقليل جداً اللي يكرهونه، الأغلب يتفقون إنه مناسب للخريف ومناسب لليل والنهار.ويشوفون إنه يتم فترة طويلة، والبعض يقول فترة طويلة جداً جدأً. والعطر يعتبر من العطور القوية.

٣- عطر Calligraphy Aramis for women and men

عطر للرجال والنساء، ريحته جميلة جميلة.. عندي منه ٣ وللحين اذا خلص اشتريه :(أحس إني معروفة بريحته، وأحياناً بعد ماتعطر بأي عطر .. استخدم هذا العطر فوقه.سعره: قريب الـ 600 ريال.

ريفيو من الموقع: أغلب الناس يحبونه، لكن فيه وايد مايحبونه!يناسب للشتا والليل .. وريحته تتم لفترة طويلة وتعتبر قوة ريحته متوسطة

٤- عطر Wood Mystique - Estee Lauder

العطر من العطور اللي من 2011 استخدمها واذا خلصوا ارجع اشتريهمفي كثير ناس مايتقبلون ريحته اللي تجي على ريحة العود لكن الأغلبية من عشاقهسعره: قريب الـ 600

ريفيو من الموقع: العطر يناسب للشتا واللليل أغلب شي، ريحته ماتتم لفترة جداً طويلة وتعتبر قوته متوسطة.

٥- عطر للشعر Coco Mademoiselle fresh hair mist - chanel

عطري المفضل لكل الاوقات والفترات .. ومن اجمل الاشيا فيه انه مايخلي الشعر أبيض مثل باقي عطور الشعراحرص اني احطه بعد ماستشور شعري عشان تروح ريحة الاستشوار :pومستحيل أطلع لعزيمة ولا عرس بدون ماستخدمه! أحس انه يخلي ريحة الشعر جدا حلوةسعره: قريب الـ 150 ريال.

٦- شمعة Peony & Blush suede home candel

طبعاً أنا ماستخدم شموع لأني أخاف من النار، لكن هذي الشمعة من شميت ريحتها عشقتهاصج صج ريحتها جممميلة وتفتح النفس خصوصا لو تفتحينها قبل لا تنامين -بس حاسبو منها-دايماً كنت أحاول أعود نفسي على الشموع بس ماينفع معاي لان روايحهم ماتعجبنيلكن لو تبون شمعة ريحتها وقوية وتتم لكم فترة طويلة .. أنصحكم فيهاسعرها: قريب الـ 300 ريال.

🌸

الكريمات

١- كريم Midnight pomegranate - Bath and body works

أنا هذا الكريم جاني هدية، وكانت تمدحه لي إنه جربيه وبيعجبج أكيد ومن الكريمات المفضلة عندهافصديقتي الجميلة في يوم جابته لي مع كلكشن كامل للشاور وقالتلي لازم تجربينه .. وأنا صراحة حبيت ريحتهوعجبني أكثر انه مايخلي اليد لزجة بعد ماتستخدمينها (هذا اهم شي عندي فالكريمات)سعره من النت: ٩ دولار.

٢- كريم Hand food from Soap and Glory

هذا الكريم.. توب توب توب! جميل جمال!شفته عند وحدة من بنات البلوق وطبعاً برودكتس سوب اند قلوري مايعلى عليهاأنا والله ماعرفت عنها الا من كثر مايكتبون عنها وخميت لي مجموعة كبيرة راح اكتب عنها ريفيو ان شاءلله!والصراحة عجبتني ريحته اللي تشابه روايح البرودكتس من هذي الشركة.ويوم استخدمه على يدي أحس إنه يغذي يدي -اللي تعتبر جافة- ويخليها تصير رطبةسعره من النت: 16 دولار.

٣- كريم Jeanne By Lanvin Perfumed Body Lotion

هذا الكريم يمكن أول كريم استخدمته في حياتي وعشقته .. قبل ٦ سنين بقته من عند أمي واستخدمتهاوليومكم أحب ريحته بشكل مش طبيعي! :(ريحته على فواكة وsoft .. أحبه لكن الصراحة ماستخدمه حالياً وايد(بس يوم اقص على عيال اختي واخليهم يسوون لي مساج أقولهم جيبو هالكريم وسوو فيه 😂)سعره من النت: 35 دولار.

٤- كريم Bombshell body lotion - Victoria secrets

شوفو شكله يبين جديد؟ هذا الكريم كنت اشوفه عند اختي الصغيرة واستخدمه كل مادخل غرفتهاوبيوم رحت فكتوريا سيكرت وسألت اللي تشتغل هناك عن البست سلر (أفضل برودكت) للبودي لوشنوعطتني واحد .. يوم رجعت البيت اكتشفت إن هو نفس اللي عندي أختي!ويوم شفت الريفيوز عنه فالنت .. الكل يمدحه ويمدح ريحته وأنا الصراحة حبيته بعدسعره من النت: 20 دولار.

♦︎

منتجات متنوعة

١- بودرة دهن العود من أجمل

طبعا أنا ماكنت أدري إنه في بودرة على ريحة العود إلا بعد ماشفتها في وحدة من البلوقات وامدحت هذي البودرةطول عمري استخدم بودرة جونسون ومستانسة على ريحتها اللي كنها ريحة يهال :(بعد ماشفتها في المدونة، حطيتها في my to-buy list (الاشيا اللي ابي اشتريها) وبنفس اليوم رحت للسوق وشريتهاومعاها شريت بودرة ثانية من أجمل، لكن للحين ماستخدمتها.. هذي البودرة ريحتها مب وايد قوية لكن جميلة على الجسموسعرها جداً مناسب وانا خفت تسبب لي حساسية لكن ماصار شي الحمدلله!سعرها: 25 ريال.

٢- شانيل coco mademoiselle fresh moisture mist

هذا جاني هدية مع عطره .. وفالبداية ماكنت اعرف هذا شنو < توها البنت تتعلم عليه :pعقبها امي قالتلي مايبيلها شي بس رشيه على جسمج وانتهينا.الصراحة ريحته جميلة جميلة جميلة .. أنا اذا استخدمته ماستخدم بودرةبس مشكلته الوحيدة مايتم لفترة وايد طويلة.. بس يتم شوي يعني!سعره من النت: 125 دولار.

٣- بخاخ Eau Thermale Avene - Thermal water

أنا استخدم الريماندر اللي فالماك عشان احط to-buy list بالاشيا اللي ابي اشتريهاوكل مافتح بلوق ولا اقرا تويت بشي .. أحط البرودكت في هذي اللست وعقب ابحث عنها اذا تستاهل ولا تناسبنيوطبعا من الاشيا اللي اتفقو عليها الناس إن هذا البخاخ شي جميل للوجه(وفي ناس يقولون Evian افضل منه، لكن انا دورت عليه وماحصلته .. حد يعرف من وين اخذه؟)انا احطه بعد المكياج، ويخلي الويه رطب واحس بالنظافة! وفي له عدة استخدامات: مثل المناطق اللي فيها حساسية وغيرها.سعره من النت: ١٨ دولار (مب متاكده لو السعر لهذا الحجم ولا الحجم الاكبر/الاصغر)

٤- وصلنا للجمال كله Soap & Glory Glow Getter

اختكم في الله لونها حنطاوي لكن تعرفون مب التان الشمسي، لا اللي يجي لونه رملي شوي :pيعني لو أحط كريم اساس يصير لوني تان اللي كنه من الشمس لكن بدونه أصير ترابيه (الشرح صفر)وللاسف الشديد ان جسمي ابيض من ويهي بدرجة/ درجتين! وطبعا انا ماحب هذا الشي كلش.هذا الشي شريته بدون ماسمع عنه كلش، شفته في بوتس وقلت بجربه!ورجعت البيت وانا مستانسة عليه وعلى طول جربته .. وطبعاا انذهلت من الجممممال!!!!ليش محد قالي عنه؟ :) اصلا ليش البنات يتعبون نفسهم ويتشمسون عشر ساعات فالشمس وينحرقون وهم عندهم هالشي؟اللون بيرفكت، سهل تحطينه، سهل تشلينه، يثبت عالجسم، مايوصخ الملابس.اصلا في احلى من هالشي؟ (اندمجت وايد صح؟)لونه بيرفككت ومايحتاج خبره كبيرة عشان تحطينه .. لكن ممكن لو ركزتي على مكان ورشتي فيه وايد يطلع لونه اغمق.سعره من النت: ١٧ دولار.

٥- بودر اللمعة: Victoria's Secret Shimmer Flash All Over Body Powder

يوم رحت لفكتوريا سيكرت اللي فالدوحة -اللي طبعا مافيه الا مستحضرات التجميل بدون بجامات، احزن شي فالدنيا-شفت هذا الشي وسألت عنه .. دايما متعودة البودرة احطها بسفنجةوقالتلي اللي تبيع انها تناسب لبعد التان بس طبعا انا ماستخدمتها لهذا الشي لاني ماحب اللمعة فوق التانلكن استخدمتها حق كم عرس! وصج جميلة! وهو فالموقع يقولون انه يستخدمونها ك finishing للمودلز في الفاشن شوسعره من النت: ١٩ دولار

🌸

المناكير ومشتقاته

في هذا القسم ماراح اعطي الوان، لكن راح اعطي اسامي ماركات انا احب استخدمها للمناكيروطبعا هذي مش كل المجموعة بس اللي حبيت استخدامهم في ٢٠١٣(توها تكتشف OPI هذا الشهر 🌚)

١- مناكير ديور وشانيل

بشكل عام، انا افضل مناكير ديور وشانيل على كل المناكيرز اللي فالدنيامن اول طبقة تحسين اللون ثبت، والفرشاة حق المناكير جميلة وماتخرب ولا تطلع على برع خصوصا للمبتدئاتانصح كل حد ياخذ من عندهم ولا يجرب لون واحد عالاقلسعره من النت: شانيل قريب ١٣٠ ريال، ديور ١٠٠ ريال

٢- مناكير ماك

انا ماقد خذت مناكير من ماك، لكن كولكشن ريانا عجبني وقررت اخذ منه شي بس ماحصلت شي فالدوحةوصديقتي الصدوقة اللي ماتخلي شي في خاطري شافت الكولكشن في جنيف وماحصلت الا هذا اللي باقي وخذته ليانا من بعدها طحت في عشق مناكير ماك! من اول ماتحطينه على ظفرج يثبت اللون! جمال جمال جمال!ماحصلت سعره.

٣- مزيل المناكير Sepohra collection instant nail polish remover

عاد يبيله اكتب عنه ريفيو بعد؟ هذا اللي خلا حياتنا سهله ونقدر نحط المناكير ونشله بسهولة اي وقت نبيلكن في نقطة ماحبيتها: ان مع الاستخدام المتكرر يمكن ٥ مرات! يخترب البرودكتيعني يوم احط صبعي فيه مرة ثانية، الصبع كامل يتحول للون المناكير اللي كنت حاطته قبل!مادري فهمتو ولا، لكن انا كل شهر-شهرين لازم اخذ واحد جديد وهاي اللي ماحبيته فيه بسسعره من النت: 9.5 دولار

٤- مزيل المناكير Dior 'Dissolvant Abricot' Nail Polish Remover

هذا الله يسلمكم، كنت مسافرة لسويسرا مرة وكنت حاطة مناكير ونسيت انه ماعندي اسيتون!فبسرعة رحت اقرب مجمع عندهم عشان ادور لي اللي يشيله، وحست على سيفورا وماحصلته :(فمالقيت غير اني اخذ هذا الاسيتون، والصراحة من بعدها صرت احبه واستخدمه دايماًيعني لخمس اظافر/ اليد الوحدة بس احتاج فاين واحد وشوي منه، وفي ثواني يروح المناكير!سعره من النت: 20 دولار

♦︎

وجيه أكون خلصت سلسلة مفضلاتي لسنة ٢٠١٣ادري طولت فيها، لكن تعرفون انه برودكتس سنة كاملة يختلف عن شهر ولا شهرين :(وإن شاءلله لي عودة قريب مع ريفيو عن شي جميل لكن بعيد عن المكياج!

*ماشاءلله، تبارك الله، لا قوة إلا بالله